Ахмадинежад Кабулға барады

Иран президенті Махмуд Ахмадинежад бүгін Ауғанстанға біркүндік сапармен барады. Бұл оның президент болып қайта сайланған соң Кабулға жасайтын алғашқы сапары.

"Мехр" ақпарат агенттігінің хабарлауынша, Ахмадинежад президент Хамид Карзаймен кездесіп, Ауғанстанды қалпына келтіру мәселесін талқылайды.

Бұдан бұрын Иран президенті АҚШ жетекшілігіндегі шетел күштерін Ауғанстаннан шығаруға шақырған болатын.