Түркиядағы Украина консулдығында бір адамға оқ атылды

Стамбулдағы Украина консулдығының қауіпсіздік сақшылары бомба жарамын деген адамға оқ атып, жаралады.

Стамбул басшысы Муаммер Гюлердің айтуынша, ол түрік азаматы өзінің Украинадағы әйеліне қатысты жеке мәселесімен консулдық ғимаратына енбек болған. Атылған оқтан жараланған ол адам ауруханаға жатқызылған.

Полиция істі тергеуге алған. Хабарларға қарағанда, 29 жастағы ол түрік азаматы Украинадан шығарылған екен.