Accessibility links

Қазақстанның санитарлық авиация паркі жаңартылмақ


Сейсенбі күнгі үкімет отырысында Қазақстанның премьер-министрі Кәрім Мәсімов Шығыс Қазақстан облысында Ми-8 тікұшағы апатқа ұшырауына байланысты санитарлық авиация паркін жаңалауды тапсырды.

"Біз тікұшақтармен дереу көмек көрсете алуымыз үшін тікұшақтар техникасын жаңалау мақсатында дәл қаншасын сатып алу қажеттігін анықтауымыз қажет", - деді ол.

Бұған қоса Кәрім Мәсімов алғашқы медициналық көмек көрсететін мобильді бөлімшелер құруды тапсырды. Ол бас-аяғы екі аптаның ішінде "жедел түрде осы қажеттілікті санап, бұл мәселені тез арада шешуге" тапсырма берді. Бұл тапсырмаға Қазақстан үкімет басшысының орынбасары Ербол Орынбаев жауапты болады деп белгіленді.
XS
SM
MD
LG