Карзай Қытай басшылығымен кездесуде

Ауғанстан президенті Хамид Карзай Бейжіңде Қытай басшыларымен келіссөз өткізуде.

Карзай Қытай президенті Ху Жинтаомен кездесті. Қытай жетекшісінің мәлімдеуінше, екі жақ ортақ мүддеге жататын халықаралық және аймақтық мәселелерді талқылаған. Олар сондай-ақ аймақтық қауіпсіздік пен Қытай инвестициясына қатысты мәселелерді көтеруі тиіс болатын.

Ауған президентімен бірге Қытайға 20-ға жуық бизнес өкілдері барды.