БҰҰ басшысы Ашхабадты адам құқықтарына назар аударуға шақырды

БҰҰ бас хатшысы Пан Ги-мун Түркіменстанды адам құқықтары туралы халықаралық келісімдердегі барлық міндеттемелерін орындауға шақырды.

Президент Гурбангұлы Бердімұхаммедовпен келіссөздерінен кейін өткізген баспасөз маслихатында Пан Ги-мун адам құқықтарына байланысты алаңдаушылықтарға орай БҰҰ түркмен үкіметімен бірге жұмыс істеуге әзір деп атап көрсетті.

Құқық қорғаушы топтар БҰҰ басшысын Орталық Азияға сапары барысында аймақтағы адам құқықтары мәселесін көтеруге шақырған болатын.