Рио-де-Жанейрода 200 адам лай көшкінінің астында қалды

Рио-де-Жанейрода тағы да лай көшкіні тіркелді. Табиғат апатынан 200-ден астам адам зардап шеккен. Ондаған адам із-түзсіз жоғалып кеткен.

Лай көшкіні қаланың Нитерои ауданында орын алды. 60-тан аса үй қираған оқиға орнында құтқарушылар жұмыс істеп жатыр.

Рио-де-Жанейрода бірнеше күн бойы толассыз нөсер кесірінен болған су тасқыны мен лай көшкіні салдарынан осыдан бірнеше күн бұрын 150-ге жуық адам қаза болған еді.