Жалал-Абадта Құрманбек Бакиев қатысқан митингке 1500 адам жиналды

Бүгін Құрманбек Бакиевті қолдаушы 1500-дай адам Жалал-Абад қаласына жиналды деп сол жерден Азаттықтың қырғыз редакциясының тілшісі хабарлады.

Олар Құрманбек Бакиевтің қауіпсіздігін қамтамасыз етуді талап етіп, уақытша үкіметті сынға алуда. Құрманбек Бакиевтің заңды президент деп танитын олар, Өмірбек Текебаевқа, Алмаз Атамбаевқа, Әзімбек Бекназаровқа наразылықтарын білдіруде. Азаттық тілшісінің хабарлауынша, жиын өтіп жатқан жерге Құрманбек Бикиев екі інісімен - Акмат және Жанышпен бірге келген.