Қытай жер сілкінісі құрбандарын аза тұтып жатыр

Қытайда бүгін Цинхай провинциясындағы жер сілкінісінен қаза болғандарды аза тұту күні жарияланды.

Соңғы мәліметтер бойынша, өткен аптада тіркелген табиғат апаты салдарынан екі мыңнан астам адам қаза болып, 12 мыңнан астам кісі жараланды.

Жер сілкінісінен Тибетке жақын маңдағы Юйшу таулы ауданы қатты зардап шекті. Құтқару жұмыстарына 17 мыңнан астам адам тартылды.