Обама: АҚШ пен Қытай даму тепе-теңдігін қолдай алады

Президент Барак Обаманың мәлімдеуінше, АҚШ пен Қытай ғаламдық дамудың тепе-теңдігіне қол жеткізу үшін ынтымақтасуы мүмкін. Обаманың бұл мәлімдемесі АҚШ пен Қытай өкілдері Бейжіңде стратегиялық келіссөздер өткізіп жатқан кезде шығып отыр.

Дүйсенбі күні АҚШ қаржы министрі Тимоти Гейтнер Бейжіңді сауда шектеулерін азайту мақсатында және ғаламдық экономиканың тепе-теңдігін дамыту үшін бірлесіп жұмыс істеуге шақырды. Ал мемлекеттік хатшы Хиллари Клинтон Қытайды Оңтүстік Кореяның әскери кемесіне шабуылдаған Пхеньянды айыптауға шақырды.