Ауғанстандағы жарылыстан полицей мерт болды

Ауғанстан оңтүстігіндегі Қандағар қаласында бомба жарылып, бір полицей қаза болды және кемінде 14 қарапайым азамат жарақат алды. Полиция басшысы Сардар Мұхаммад Зазайдың хабарлауынша, сенбі күнгі жарылыс қала әкімі жұмыс істейтін ғимаратқа жақын жерде болған.

Осыдан бір күн бұрын Кабулда ұлттық бейбітшілік жөніндегі конференцияға қатысушылар президент Хамид Карзайдың үкіметін "Талибанмен" келіссөз өткізуге шақырған болатын.