"Қызыл крест" Қырғызстандағы жағдайға алаңдаушылық білдірді

Халықаралық "Қызыл крест" комитеті Қырғызстанның оңтүстігіндегі гуманитарлық жағдай күрделі болып барады деп ескертті.

Соңғы күндері Ош пен Жалал-Абадтағы этникалық қақтығыстарда 117 адам қаза болып, 1400-ден аса кісі жараланды. Зорлық-зомбылықтан аман қалу үшін өзбек қауымдастығының ондаған мың мүшесі үйлерін тастап, қашып кетті деп хабарланып отыр.