Пәкістанның шығысындағы Лахор қаласында болған 2 жарылыстың құрбандары тың дерек бойынша 42-ге дейін өсті, кемінде 180 адам жараланды.
Әзірше бұл қастандықты ешкім өз мойнына алмай отыр.
Өткен бейсенбіде жүздеген діндәр жиналып тұрған жерде жанпидашыл 2 экстремист бірінен соң бірін қопарғыштарын іске қосты.
Бұл Лахор қаласында 1 айдың ішінде исламның сүнни емес ағымын ұстанатындарға қарсы екінші қастандық болды.
1 ай бұрын ахмадийлердің 2 мешітіне жанпидашыл қаскүнемдер жасаған шабуылдан 80-ге жуық кісі көз жұмды.
