Пәкістан: қастандық құрбандарының саны 45-ке жетті

Пәкістанның Ауғанстан шекарасы бойындағы Мохманд өлкесінде болған жарылыстан тың мәлімет бойынша, кем дегенде 45 адам қаза болып, 100-ге тарта кісі жараланды.

Қастандық әрекет Якка-Ганд қышлағында болды. Жанпидашыл қаскүнем жарылғышты жергілікті әкімшілік кеңсесінің маңында іске қосты.

Мохманд «Әл-Қаида» мен «Талибан» қозғалысының содырлары белсенді әрекет ететін аудандардың бірі есептеледі. Пәкістанның қауіпсіздік күштері бірнеше жылдан бері бұл ауданға тәртіп орната алмай келеді.