Түркімен президенті жекеменшік басылымдарға рұқсат беретінін айтты

Мемлекеттік баспасөз құралдарынан ғана ақпарат алып отырған Түркіменстан халқы енді жақын уақытта жекеменшік газет-журналдарды да оқи алатын болады.

Ел президенті Гурбангулы Бердімұхмедовтың үкімет мүшелерімен телеарнадан көрсетілген кездесуінде елде жекеменшік газеттер ашуға жол беретін жоспарлар айтылған.

Рейтерс агенттігі президент Бердімұхамедовтың сөзіне сілтеме жасап, жекеменшік газет-журналдарды құру жөніндегі ұсыныстар бұл жұмысты тездете алады деген.