Тәжікстан терроризм күдіктілерін Бішкекке бергендігін растады

Тәжікстан екі азаматты Бішкекке экстрадициялағандығын растады деп хабарлады Азат Еуропа/Азаттық радиосының тәжік қызметі.

Тәжікстан ішкі істер министрі Абдурахим Каххоровтың айтуынша, бұл екеуіне Душанбе-Худжант жолындағы тексеру-өткізу бекетіне мамыр айында жасалған шабуылға қатысы бар деп күдіктеліп отыр.

Тексеру нысанына шабуыл барысында милиция екі азаматты атып өлтірген болатын.