Бағдатта «Al-Arabia» кеңсесі жанындағы жарылысты "Әл-Қаида" жасады

«Әл-Қаида» ұйымымен байланысы бар топ осы аптада «Al-Arabia» телеарнасының Бағдаттағы кеңсесінің жанында тіркелген жарылысты өз мойнына алды.

«Ирақ ислам мемлекеті» ұйымының интернетте жарияланған мәлімдемесінде телеарнаның Дубайда орналасқан басшылығы сыбайласқан жемқорлыққа белшесінен батты деп жазылды. Бұған дейін радикал ұйымдар Таяу Шығыста жақсы танымал бұл телеарнаны батыстық ұстанымы үшін бірнеше мәрте айыптаған еді.

Ирақ астанасында дүйсенбі күні тіркелген жарылыстан кем дегенде алты адам қаза тапты.