Иран президенті қастандық әрекеттен аман қалды

Иранда бүгін ел президенті Махмуд Ахмадинежадқа шабуыл жасалды.

Алдын ала мәліметтер бойынша, президент автокөлігі көшіне граната лақтырылды. Хабарларға қарағанда, жарылғыш зат журналистер мен президент әкімшілігі қызметкерлері мінген көлікке жақын маңда жарылды. Бірнеше адам жараланды деп хабарланды.

Төтенше оқиғадан кейін Ахмадинежад жергілікті телеарнада тікелей эфирде сөйледі. Иран президенті қастандық әрекет туралы ештеңе айтпады.