Қытай премьері Жапониядан кеме капитанын босатуды талап етті

Қытай премьер-министрі Уен Жиабао егер Жапония тез арада кеме капитанын босатпаса, бұл елге қарсы шаралар қолға алынатын болады деді.

Бұл екі елдің арасында күшейе түскен даулы мәселеге қатысты Қытай жетекшілері тарапынан айтылған бірінші мәлімдеме болды. Осыған байланысты Қытай таяуда Токиода өтетін министрлер кездесуін тоқтатып тастаған.

Қытайдың балықшылар кемесін бұдан екі апта бұрын жапониялық теңіз сақшылары екі елдің даулы аралында ұстаған болатын.