АҚШ-та айып тағылған 37 адамның ішінде қазақтар да бар

АҚШ-тың заң мекемелері Қазақстан мен Ресейдің, Украина мен Беларустің 37 азаматына алаяқтық істеді деген айыптар тақты.

Олардың 20-сы тұтқындалып, 17-сіне іздеу жарияланды.
Тергеудің мәліметі бойынша, оларға жалған төлқұжаттарды пайдаланып, Американың банктерінен 3 миллион доллардан астам қаржыны жымқырды және ондаған банк есеп-шоттарына компьютер вирусын «жұқтырды» деген күдік түсіп отыр.

Күдіктілердің барлығы да АҚШ жерінде оқитын студенттер көрінеді.