Америкалық байланыс жер серігі ұшырылды

Жұмаға қараған түні Байқоңырдан “Протон-М” ғарыш зымыраны “Бриз-М” және Sirius XM-5 америкалық байланыс жер серігін алып ұшты.

Ресей ғарыш орталығының хабарлауынша зымыран қазанның 14 күні Мәскеу уақыты бойынша сағат 22:53-те ұшырылған.

Биылғы жылы “Протон” зымыраны ғарышқа осымен тоғызыншы рет ұшырылып отыр

Sirius ХМ-5 аппараты сандық радио мен аудиохабар таратуды солтүстік Америка аумағында пайдалану және мультимедиялық қызметтерді жүзеге асыруға жоспарланған.