Пәкістан арағайын болғысы келеді

Ауған үкіметі мен тәліптер арасындағы келіссөздерге Пәкістан арағайындық етуге әзір екендігін білдірді. Дегенмен сыртқы істер министрі Шах Мехуд Қуреши келіссөздерге Ауғанстанның өзі басшылық жасауы керек дейді.

Бұл аралықта Ауғанстандағы НАТО күштерінің қолбасшысы, АҚШ генералы Дэвид Петреус НАТО тәліптер жетекшілерінің ауған үкіметімен келіссөз бастауына ықпал етті деп мәлімдеген. Ол бұл келіссөздерді алдын-ала сөйлесулер деп сипаттады.