Гаитиде тырысқақ ауруынан қаза тапқандар 220-дан асты

Гаитиде тырысқақ ауруы кең етек алып, жұқпалы дерттен бүгінде 220-дан аса адам көз жұмды. Тағы 300 мыңдай адам дертке шалдыққан.

Эпидемия ошағы-Гаитидің солтүстігі мен орталық аймақтары болып отыр. Бірақ ел астанасы Порт-о-Пренс қаласында да тырысқақ ауруымен бес адам тіркелген.

Қаңтар айындағы қуатты жерсілкінісінен елдің инфрақұрылымы толығымен қирап, ауыз су жеткізу жолдары бұзылған.
Гаитиде қаңтардың 12-де орын алған табиғат апатынан 220 мың адам қаза тауып, бір жарым миллион адам баспанасыз қалған.