Мәскеуде соққыға жығылған журналисті қолдау акциясы өтеді

Бүгін Мәскеудегі қалалық ішкі істер басқармасы алдына шабуылдан қатты жараланған журналист Олег Кашинді қолдаушылар жиналып, Ресей президенті Дмитрий Медведевке үндеу жолдайды.

Сенбі күні түнде ауыр соққыға жығылған «Коммерсант» басылымының тілшісі қазір ауруханада ес-түссіз жатыр. Журналистің әріптестері мен қоғамдық белсенділер биліктен журналистке қарсы шабуылды әділ және толық тергеуді талап етуде.