Сейсембаев саяси эмигранттарды Қазақстанға оралуға шақырды

Таяуда Қазақстанға оралған "Альянс банктің" директорлар кеңесінің бұрынғы төрағасы Марғұлан Сейсембаев шетелде жасырынып жүрген саяси эмигранттарды елге қайтуға шақырды.

Сейсембаев бүгін Алматыда баспасөз мәслихатын өткізіп, елге оралуының себебін көпшілік алдында мәлім етті. Ол президент Нұрсұлтан Назарбаевтың саясатын қолдайтынып айтып, өзіне қатысты қозғалған қылмыстық істің әділетті түрде жүргізілетініне сенім білдірді.