Accessibility links

Ақтау түрмесінің бұрынғы басшыларына қатысты сот аяқталды


Ақтаудағы 172/1 түрмесінің бұрынғы басшылары түрлі мерзімдерге бас бостандықтарынан айырылды. Қарашаның 24-і күні аяқталған соттың үкімі бойынша, түрменің бұрынғы басшысы Мұхит Жанахметов – 5 жылға, ал оның орынбасары Шаяхмет Халменов – 4 жылға бас бостандығынан айырылды.

Оларға өз қызметіне немқұрайлы қарады деп айыпталды, деп жазады республикалық ақпарат құралдары.

Бұл істе тағы екі адам: түрме кезекшісінің көмекшісі болған Мұхтар Нұрсейітов пен жедел-іс қимыл бөлімінің бастығы Төлеген Ысқақовтар да айыпты деп танылып, екеуі де 3 жылға қамалды.

Бұдан бөлек, қарашаның басында қашқан сотталушылардың алтауына қатысты сот аяқталып, олар 9-14 жылға дейін бас бостандықтарынан айырылған еді.

Биыл маусымның 22-сі күні Ақтау түрмесінен 21 сотталушының жаппай қашып кеткеннен кейін қозғалған еді. Арнайы операция барысында оларды 15-і түрлі жағдайда қаза тапты.

Бұл оқиға Қазақстанның қылмыстық атқару жүйесі комитетінің төрағасы Мейрам Аюбаевтың және оның екі орынбасарының қызметінен кетуіне себеп болған еді.

AzattyqTV

Террорға қарсы күрес

"ИМ" тобын тықсырды

Аудиоподкаст

XS
SM
MD
LG