Гватемалада автобустағы жарылыстан 5 адам қаза болды

Ел астанасы Гватемала қаласы маңында жолаушылар тасымалдайтын автобуста болған жарылыстан кемінде бес адам қаза тауып, оншақты кісі жараланды.

Полицияның болжамы бойынша, автобус салонына қолдан жасалған жарылғыш зат қойылуы ықтимал.

Құқық қорғаушылар Гватемалада қылмыстық топтардың қоғамдық көлікке шабуыл жасап, бопсалаумен айналысатынын айтады.