ЕуроОдақ Ауғанстандағы шабуылдарды айыптады

Еуропа Одағының сыртқы саясат бойынша басшысы Кэтрин Эштон Ауғанстандағы "Талибан" жасаған жанкештілік шабуылдарды айыптады.

Жұма күні Кабулдағы дүкенде болған жарылыстан Ауғанстанның адам құқықтары жөніндегі тәуелсіз комиссиясының мүшесі Хамида Бармаки мен оның күйеуі және төрт баласы мерт болған еді. Эштонның мәлімдеуінше, әйелдер мен балалардың құқықтарын күшейтуге көмектескен Бармаки ауған әйелдеріне үлгі болған.

Сонымен қатар Эштон сенбі күні Қандағар өлкесінің әкімі Абдул Латиф Ашнаның өмірін қиған жанкештілік жарылысты да атап өтті.