Accessibility links

Полиция қызметкері журналистің бейнетаспасын тартып алды


«Әл-Жазира» телекомпанииясының тілшісі Симон Островский Азаттық радиосына хабарласып, босқын өзбек мұсылмандарын түсірген бейнетаспасын Алматылық полиция қызметкерлерінің тартып алғанын айтты. Ақпанның 3-і күні «Әл-Жазираның» Лондондағы офисінен келген тілші Симон Островский телеоператоры екеуі өзбек мұсылман босқындарының жұбайлары Гульнор Кодирова мен Умида Азимова жайлы хабар түсіріп жүрген. Өзбек босқындарының әйелдері ІІМ қылмыстық-түзеу комитетінің № 1 изоляторында жатқан ерлеріне керек заттарын апарған еді.

- Осы сәтте полицейлер бейнекамераға түсіруге тыйым салып, мені тергеу изоляторына ертіп келіп, түсініктеме жаздыртты, - дейді «Әл-Жазира» телекомпаниясының тілшісі. Гульнор Кодирова мен Умида Азимованы да тергеу изоляторына алып келіп тінткен. «Әл-Жазира» тілшісі мен әйелдердің айтуынша, полицейлер бейнетаспаны алып қалып, оның ақысына екі әйелді босатқан.

Бүгін, ақпанның 4-і күні тергеу изоляторының басшылары «Әл-Жазираның» тілшісін әңгімелесуге шақырды. Өзін «аға лейтенант Әлихан Аққазиновпын» деп таныстырған мекеме қызметкері «қолы тимейтінін айтып», бейнетаспаны не үшін алғандарын Азаттық радиосына түсіндіруден бас тартты.

AzattyqTV

XS
SM
MD
LG