Италияның 200 қаласында әйел құқын қолдау акциялары өтіп жатыр

Бүгін Италиядағы көптеген қалаларда әйелдерге құрмет көрсетілмеуіне наразылық танытқан жиындар мен шерулер өтуде.

Демонстрацияларды ұйымдастырушылардың бірі, актриса Франчески Коменчинидің айтуынша, бұл акциялар сонымен қатар премьер-министр Сильвио Берлускониге де қарсы бағытталған.

Прокуратура Берлускониді кәмелеттік жасқа толмаған қыздармен төсек қатынасында барған деп айыптайды.

Премьер өзіне қарсы қозғалған істі саяси астары бар деп мәлімдеген болатын.