Иран кемелерін Суэц каналынан өткізу кейінге қалдырылды

Египет билігі Иранның екі әскери кемесін Суэц каналынан өткізу 48 сағатқа кейінге қалдырылғанын хабарлағанымен, оның себебі туралы ештеңе айтпады.

Бұған дейін иран кемелері Суэц каналынан бүгін өтеді деп хабарланған еді.

Бұл Иранда 1979 жылы ислам төңкерісі болғаннан бері иран әскери кемелерінің Суэц каналына алғаш келуі.

Жексенбі күні Израиль премьер-министрі Биньямин Нетаньяху Иранды «Египеттегі жағдайдың тұрақсыздығын пайдаланып қалмақшы» деп айыптаған болатын.