Ауа райына байланысты Өскемен-Алматы күре жолы жабылды

Шығыс Қазақстан мен Алматы облыстарында жауған қалың қар, соққан боран салдарынан автокөлік жолдары жабылғаны туралы бүгін Қазақстан төтенше жағдайлар министрлігінің баспасөз қызметі хабарлады.

Ауа райының қолайсыздығынан сәрсенбінің кешінен бастап Өскемен-Алматы күре жолы жабылып, жолаушы және жүк тасымалдайтын көліктер қозғалысына шектеу қойылды.