Ливия күштері Триполидегі шерушілерді қуып таратты

Ливия астанасы Триполиде жүздеген адам жұма намазынан кейін Муаммар Каддафиге қарсы шеруге жиналып, оның биліктен кетуін талап етті.

Хабарларға қарағанда, қауіпсіздік күштері наразылық танытушыларды қуып тарату үшін көзден жас ағызатын газ бен оқ атты.

Шерулердің алдында Каддафидің әскерилері Триполи маңайында тексеру бекеттерін құрған болатын. Сонымен қатар бүгін үкімет күштері Аждабия мен Брега қалаларына тағы да әуеден соққы берген.