Ирак азаматтары шеруді күшпен басқаны үшін Бахрейн билігін айыптады

Хабарларға қарағанда, бүгін Иракта мыңдаған адам шеру өткізіп, Бахрейнде шииттер жетекшілігіндегі наразылық танытушылардың күшпен басылғанын айыптады.

Шерушілер Бағдадтың негізінен шииттер тұратын Садр ауданында және тағы басқа қалаларда жиналды. Шииттердің радикалды көсемі Мұқтада әс-Садр Бахрейндегі наразылық танытушыларға қолдау көрсету үшін Иракта шеру өткізуге шақырған болатын.