Халықаралық сот прокуроры Каддафи мен оның екі ұлын тұтқындауды сұрады

Халықаралық қылмыстық соттың бас прокуроры судьядан адамзатқа қарсы қылмыс жасады деген айыппен Ливия жетекшісі Муаммар Каддафиді қамауға алуға бұйрық беруді сұрады.

Прокурор Луйз Морено-Окампо Гаага сотынан Каддафи мен оның екі баласын да режимге қарсы шыққандарды күшпен басты деген айыппен тұтқындауды сұрап отыр.

Бұл туралы Гагада мәлімдеген Морено-Окампо қарусыз Ливия халқына қарсы шабуыл жасауға Каддафидің өзі нұсқау бергеніне дәлелдер бар деді.

Ақпан айында БҰҰ-ның Қауіпсіздік кеңесі Морено-Окампоға Ливиядағы қылмыстарды тергеуге рұқсат берген.