Медведев 2012 жылғы сайлауға қатысты шешімін таяуда айтпақ

Ресей президенті Дмитрий Медведев 2012 жылғы сайлауға түсу мәселесіне қатысты шешімін жақында жариялайтынын айтты.

Медведев президенттікке келгеннен бергі бірінші үлкен баспасөз мәслихатын өткізіп, көпшіліктің көкейінде жүрген "Медведев келесі президенттік мерзімге сайлауға түсе ме?" деген ең басты сауалға жауап бермей, жалтарып кетті.
"Егер мен ондай шешімге келіп жатсам, оны айтамын", - деді Медведев

Сәрсенбі күнгі баспасөз мәслихатына 800-ден астам журналист қатысты.