Обама мен Кэмерон халықаралық қауіпсіздікті талқылайды

АҚШ президенті Барак Обама мен Ұлыбритания премьер-министрі Дэвид Кэмерон бүгін Лондонда келіссөз өткізеді.

Екі ел басшылары Ауғанстандағы жағдайды, НАТО-ның Ливиядағы операциясын және Таяу Шығыстағы толқуларды талқылайды. Келіссөздерден кейін Обама мен Кэмерон баспасөз мәслихатын өткізеді. Бүгін кешке Обама Ұлыбритания парламентінде мәлімдеме жасайды.

АҚШ президенті мен жұбайы сейсенбі күні патшайым ІІ Елизаветамен кездесті.