Ресей астық дақылдары экспортына рұқсат бермек

Ресей астық дақылдарының экспортына енгізген тыйымын келесі айда алып тастайды. Бұл туралы премьер-министр Владимир Путин сенбі күні мәлімдеді деп хабарлайды үкімет баспасөз қызметі.

Ресей өткен жылдың тамыз айындағы құрғақшылық кезінде астық дақылдарының экспортына тыйым салған болатын. Бұл тыйымның мерзімі желтоқсан айында аяқталуы тиіс еді бірақ осы жылы астық тапшылығы болуы мүмкін деген қауіптен кейін оның мерзімі ұзартылған еді.