НАТО шабуылынан Ливияның бейбіт тұрғындары қаза болды

НАТО Ливияның Триполи қаласын жексенбі, маусымның 19-ы күні бомбалаған кезде кездейсоқ бейбіт тұрғындар зардап шеккен болуы мүмкін екенін мойындады.

НАТО-ның мәлімдеуінше, Триполиді бомбалаған кезде техникалық ақау кесірінен бір зымыран нысанадан ауытқып кеткен. НАТО бейбіт тұрғындардың қазасына қайғыратынын айтады.

Ливия билігінің дерегінше, тоғыз адам қайтыс болған, оның екеуі - балалар.