Венесуэла Уго Чавестің денсаулығы туралы мәліметті жоққа шығарды

Венесуэла үкіметі ел президенті Уго Чавестің халі нашар деген хабарды жоққа шығарды.

Жексенбі, маусымның 26-сы күні жасалған мәлімдемеде биыл 10 маусымда Кубада операция жасатқан Венесуэла президентінің оңалып келе жатқаны айтылған. Венесуэла сыртқы істер министрі Николас Мадуроның айтуынша, Уго Чавес әлі Кубада емделіп жатыр.

Уго Чавес кіші қызы мен үш жиенінің көңілін сұрау үшін Кубаға келгенін "Твиттер" арқылы терістеді.