Ливия билігі Гаага сотының шешімін қатаң айыптады

Ливия билігі Халықаралық қылмыстық соттың Муаммар Каддафи мен оның серіктерін тұтқындауға ордер берген шешімін қатаң түрде айыптады.

Елдің әділет министрі Мұхаммед әл-Камуди Гаага сотын "дамушы елдердің басшыларын қудалайтын Батыстың құралы" деп атады.

Гаагадағы Халықаралық сот Каддафи мен мен оның ұлы Сейф ул-Исламды, Ливия барлауының басшысы Абдолла әс-Сенуссиді билікке қарсы шеруге қатысқандарды қудалап, адамзатқа қарсы қылмыс жасады деп айыптаған.

Ливия көтерілісшілерінің уақытша ұлттық кеңесі Гаага сотының шешімін құптады.