Пан Ги Мун Израиль әскері мен ливандықтарды айыптады

БҰҰ бас хатшысы Пан Ги Мун Ливанмен шекарадағы ливандық қарусыз шерушілерге шектен тыс күш қолданған Израиль әскерінің әрекетін айыптады.

Мамырдың 15-інде Израиль әскері мен Палестинаны қолдайтын ливандықтар арасындағы қақтығыста жеті адам қаза тауып, жүзден астам адам жараланды.

Қарсылық акциясы Израильдің құрылуы күніне қатысты өткен еді.

БҰҰ-ның Ливандағы бітім миссиясы жөнінде баяндама жасаған Пан Ги Мун тұтанғыш зат құйылған шөлмек пен тас лақтырған ливандықтарды да айыптады.