Отунбаева сайлау комиссиясына қатысты дау болуы мүмкін деп ескертті

Қырғызстан президенті парламентті орталық сайлау комиссиясына қатысты өзгерістерді тезарада қарап шығуға шақырды.

Бүгін президент Роза Отунбаева өткен айда парламенттің сайлау комиссиясына ұсынылған төрт кандидатты мақұлдамауы сайлау туралы заңды бұзады деп мәлімдеді. Отунбаеваның айтуынша, сайлау комиссиясы төңірегіндегі белгісіздік қазан айындағы президент сайлауынан кейін заңды түрде шағым жасалуына түрткі болуы мүмкін.

12 мүшеден құрылған орталық сайлау комиссиясына президент ұсынған төрт кандидатты парламент қабылдамай қойған болатын.