Ауғанстанда Ұлттық қауіпсіздік басқармасы қызметкері өлтірілді

Бүгін Ауғанстанның солтүстігіндегі Құндыз қаласында Ұлттық қауіпсіздік басқармасы жергілікті бөлімшесінің қызметкері жарылыстан қайтыс болды.

Полицияның хабарлауынша, бомба марқұмның көлігінің астына жапсырылған. Жарылыс кезінде таяу маңда жүрген үш бала жараланды.

Бұл Құндыздағы алғашқы жарылыс емес. Бұған дейін Ауғанстанның солтүстігі оңтүстікпен, шығыспен салыстырғанда қауіпсіз болып есептелетін.