Түркияда жаңа әскербасылар тағайындалды

Түркияда үкімет пен армия басшылары арасындағы даудан кейін Бас штаб және армия, авиация мен әскери-теңіз флоты басшылары тағайындалды.

НАТО елдеріндегі екінші ірі армия - түрік армиясы Бас штабына бұрын жандармерияны басқарған генерал Неджет Өзел басшы болып келді.

Бұрынғы Бас штаб және әскер басшылары өткен аптада қызметтерінен кеткен. Олар оншақты генерал мен офицерге қарсы төңкеріс жасауға дайындалды деген айыппен қылмыстық іс қозғалғанға наразы болды.