Триполиде жарылыс пен атыстар болды

Ливия астанасы Триполиде өткен түні атыстар мен жарылыстар естілген. Рейтерс агенттігіне жергілікті тұрғындар қарулы қақтығыстар Муаммар Каддафидің қарсыластары көшеге шыққан қаланың бірқатар аймағында болды деді.

Каддафи үкіметінің өкілі Триполиді қарулы көтерілісшілердің аздаған тобы атқылады, бірақ оларға тойтарыс беріліп, қала қауіпсіз жағдайда деп айтты. Кейін Каддафи теледидар арқылы айтылған жолдауында, "көртышқандардың" көзін құрттық деп ливиялықтарды құттықтаған.

Ливия көтерілісшілері болса, Каддафи режимі құлауға жақын қалды деп айтуда.