Израиль сарбазы Гилад Шалит босатылды

Израиль сарбазы Гилад Шалит бүгін Израиль билігіне тапсырылды деп хабарлайды Израиль телеарнасы.

2006 жылы бүлікшілер ұрлап әкеткеннен күні бүгінге дейін кепілде болған Гилад Шалитті осы кезге дейін израиль түрмесінде қамауда болған 1027 палестиндікке айырбастау туралы Израиль үкіметі мен ХАМАС тобы Египеттің ара ағайындық етуімен келісім жасаған еді.

Бүгін Израиль түрмеден алып шыққан алғашқы топты Газа секторы мен Иордан өзенінің батыс жағалауына жеткізеді делінген.