Бүгін Қырғызстанда тыныштық күні

29 қазан - Қырғызстанда президент сайлауы алдындағы тыныштық күні.

Азаттық радиосы қырғыз қызметінің хабарлауынша, елде барлық үгіт-насихат жұмыстары тоқтаған.

Жексенбі күні Қырғызстанда президент сайлауы өтеді. Оған 16 үміткер түседі.

Қазіргі президент Роза Отунбаева алдағы сайлау ел тағдыры үшін өте маңызды деп мәлімдеді.