Араб лигасы Сирияның өз қалаларынан әскерін шығаруға келіскенін мәлімдеді. Бұл - Араб лигасының елдегі тәртіпсіздіктер мен қантөгісті тоқтатуға шақырған ұсыныстарының бір парасы.
Келісімге Араб лигасына кіретін елдердің министрлері Каирде кездескенде қол жеткен. Кездесуден кейін өткен баспасөз жиынында Катар премьер-министрі Шейх Хамад бен Жасем әл-Тани "Біз Сириямен мұндай келісімге келгенімізге қуанып отырмыз" деді. Ол Дамаскінің елде зорлық-зомбылықтарды тоқтатуға, тұтқындарды босатуға және қалалар мен елді мекендерден әскерін алып кету туралы жасаған келісімін оқып берді. Сирия сондай-ақ елдегі жағдайды хабарлап отыру үшін Араб лигасы мен шет елдік ақпарат құралдарын елге кіргізуге рұқсат берді.
Сирияда биылғы жылдың наурыз айынан бері президент Башар әл-Асадтың биліктен кетуін талап еткен шерушілер мен үкімет күштерінің арасындағы қақтығыстарда, БҰҰ-ның дерегі бойынша, 2,5 мыңнан астам адам қаза тапқан. Дамаск наурыз айынан бері елде шетелдік бұқаралық ақпарат құралдарының жұмыс істеуіне де тыйым салған болатын.
Келісімге Араб лигасына кіретін елдердің министрлері Каирде кездескенде қол жеткен. Кездесуден кейін өткен баспасөз жиынында Катар премьер-министрі Шейх Хамад бен Жасем әл-Тани "Біз Сириямен мұндай келісімге келгенімізге қуанып отырмыз" деді. Ол Дамаскінің елде зорлық-зомбылықтарды тоқтатуға, тұтқындарды босатуға және қалалар мен елді мекендерден әскерін алып кету туралы жасаған келісімін оқып берді. Сирия сондай-ақ елдегі жағдайды хабарлап отыру үшін Араб лигасы мен шет елдік ақпарат құралдарын елге кіргізуге рұқсат берді.
Сирияда биылғы жылдың наурыз айынан бері президент Башар әл-Асадтың биліктен кетуін талап еткен шерушілер мен үкімет күштерінің арасындағы қақтығыстарда, БҰҰ-ның дерегі бойынша, 2,5 мыңнан астам адам қаза тапқан. Дамаск наурыз айынан бері елде шетелдік бұқаралық ақпарат құралдарының жұмыс істеуіне де тыйым салған болатын.
