«Мені «Халық қаһарманы» деп марапаттайтын заңға қол қоймаймын», - деді президент Назарбаев сенбі күні Астанадағы жаңа медиаорталықтың ашылу шарасы кезінде.
Нұрсұлтан Назарбаевқа «Халық қаһарманы» атағын беруді Қазақстан премьер-министрі Кәрім Мәсімов ұсынған. Оның ұсынысын 29 қарашада әділет министрі Рашид Түсіпбеков жариялап, 1 желтоқсан күні парламент Назарбаевты «Халық қаһарманы» мәртебесімен марапаттайтын түзетулерді тиісті заңға енгізген.
