Депутаттар аймақтарды аралауға шығады

Парламент мәжілісінің депутаттары 5-17 сәуір аралығында жұмыс сапарымен облыстарды аралайды деп хабарлады мәжіліс аппаратының баспасөз қызметі.

Хабарламада "Депутаттар халыққа президент Нұрсұлтан Назарбаевтың жолдауын түсіндіріп, парламенттің бесінші шақырылымы басталғаннан бергі жұмыстары жайлы баяндамақ" деп жазылған. Тұрғындармен кездесулер барлық қала, аудан, ауылдарда өтетіні де айтылған.